0
សូមជម្រាបថា នេះមិនមែនជាស្នាដៃលើកទីមួយទេ គាត់ចេះរចនាពុម្ពអក្សរតាំងពីឆ្នាំ 2011 មកម្ល៉េះ! ស្នាដៃទីមួយរបស់គាត់គឺ Khmer SN Kampot ជាប្រភេទពុម្ពអក្សរខ្វៀកសំណេរដៃយ៉ាងស្អាត។ ស្នាដៃទីពីរគឺ Kh SN Kampongsom ជាប្រភេទអក្សរសម្រាប់អត្ថបទ ដែលមានរចនាបថរង្វង់មូលនៅត្រង់កន្លែងគួចនៃតួអក្សរ។ ស្នាដៃទីបីរបស់គាត់គឺ Kh SN Beysach មានរចនាបថតាមអក្សរអង់គ្លេសឆ្លាក់ ដោយបន្ថែមលក្ខណៈស្រមាមតិចៗ មើលទៅប្លែកភ្នែកមិនធ្លាប់មានសម្រាប់អក្សរខ្មែរយើងទេ។
ចូលមកដល់ស្នាដៃទីបួននេះមានឈ្មោះថា Kh SN Preytakoy ដោយយកឈ្មោះ "វត្តព្រៃតាកុយ" នៅខេត្តកំពត មកដាក់ (ប្រហែលជាគាត់មានអនុស្សាវរីយជាមួយវត្តនោះហើយមើលទៅ!) ។ ពុម្ពអក្សរនេះមានរចនាបថជា អក្សរឆ្លាក់ដោយដៃដោយប្រើជួគមុខសំប៉ែតសរសេរទៅតាមរាងរៅដែលគាត់ចូលចិត្ត។ សុំរំលឹកបន្តិចចុះ កាលខ្ញុំ(អាក្បាលធំ)នៅរៀន ខ្ញុំធ្លាប់ឃើញអក្សររបៀបនេះ នៅក្នុងក្របសៀវភៅសរសេររបស់សិស្សដែលពួកគេ ជួលឲ្យជាងឆ្លាក់អក្សរឲ្យ ដោយដាក់ពណ៌មិនស្រមោលស្អាតៗណាស់។ ប្រហែលមកពីលោក អ៊ុំ ច័ន្ទសានិត ជាសិស្សពូកែខាងអក្សរសាស្ត្រខ្មែរ បែបនេះហើយ ទើបគាត់អាចឆ្លាក់អក្សរបានស្អាតយ៉ាងនេះ! ភាគច្រើននៃអ្នកស្រឡាញ់អក្សរសាស្ត្រ ច្រើនតែសរសេរបានស្អាត។ ចំណែកខ្ញុំវិញក៏ស្រឡាញ់អក្សរខ្មែរដែរ តែសរសេរមិនស្អាតសោះសឹងថាមើលមិនដាច់ ដូចក្ដាមវៃបុក។ :D
ទាញយក : Kh SN Preytakoy
ម៉ោងនៅ ភ្នំពេញ
