0
ចំពោះអ្នកធ្លាប់ប្រើប្រាស់កម្មវិធី MS .excel ពិតជាបានដឹងហើយថាកម្មវិធី Excel វាពិតជាមានសារៈសំខាន់ណាស់សម្រាប់អ្នកធ្វើការគណនា ទិន្នន័យជាលេខមានជាតារាង ឬជាវិក្កយបត្រផ្សេងៗជាពិសេសកិច្ចការការិយាល័យ ព្រមទាំងប្រើដើម្បីធ្វើការកំណត់អ្វីមួយ នៅលើសន្លឹកកិច្ចការបានយ៉ាងស្រួលទៀតផង។ហើយនៅពេលបច្ចុប្បន្នកម្មវិធីមួយនេះ កំពុងមានការពេញនិយមប្រើយ៉ាងច្រើនមិនថានៅទីណាឬប្រទេសណានោះទេ។ នៅខាងក្រោមនេះគឺជាគន្លឹះដ៏ពិសេសមួយទៀតដែលយើងខ្ញុំនិងបង្ហាញលោកអ្នកដោយអាចផ្ដល់ភាពងាយស្រួលសម្រាប់ធ្វើការបានរួមគ្នានៅលើឯកសារតែមួយនៅពេលតែមួយដោយមិនបង្កភាពស្មុគស្មាញនិងសាំញ៉ាំឡើយ។ សូមមើលពីរបៀបនៃការអនុវត្តដូចខាងក្រោមជាមួយ file Excel 2010 ដែលយើងបានបង្កើតទុក។
-បើក file Excel របស់អ្នកដែលចងកំណត់ឱ្យប្រើប្រាស់រួមគ្នាបានច្រើន user នៅពេលតែមួយលើបណ្ដាញ Network បន្ទាប់មកចុចលើពាក្យ "Review” នៅលើម៉ឺនុយបាររួចចុចជ្រើសរើសយក "Share Workbook”។ប៉ុន្តែសម្រាប់អ្នកប្រើ Ms. Excel 2003/XP/2000/97អ្នកត្រូវចុចលើ Tools > “Share Workbook…"។
-ចុចលើថេប "Editing”បន្ទាប់មកអ្នកត្រូវជ្រើសរើសយកប្រអប់ "Allow changes by more than one user at the same time. This…” រួចដើម្បីបន្តចុចលើ OK។
-ក្នុងករណីលោកអ្នកចង់ធ្វើការកំណត់ដើម្បីផ្លាស់ប្ដូរតាមការទាមទាររបស់អ្នកបានដោយចុចលើថេប "Advanced “។
-ក្រោយពីលោកអ្នកបានកំណត់យកការចង់បានទៅលើតួនាទីនីមួយដែលមានស្រាប់បន្ទាប់មកចុចលើ OK ដើម្បីយល់ព្រមស្របតាមការកំណត់របស់អ្នករួមអ្នកទទួលបានសារមួយដើម្បីបញ្ជាក់ប្រាប់អ្នក។
-ជ្រើសរើសយក OK ដើម្បីយល់ព្រមរក្សាទុកតាមការកំណត់របស់អ្នក។បន្ទាប់ពីបានកំណត់ដូចការណែនាំខាងលើរួចមកអ្នកអាចយក file នេះទៅដាក់ដើម្បីប្រើប្រាស់រួមគ្នានៅលើបណ្ដាញ Network បានយ៉ាងពេញលេញដោយមិនទាមទារឱ្យមានការរង់ចាំឬសារបង្ហាញអ្នកថា Read only ដូចមុនទៀតឡើងព្រមទាំងផ្ដល់ភាពងាយស្រួលដល់អ្នកក្នុងការធ្វើការកែប្រែទៅតាម user នីមួយនៅលើសន្លឹកកិច្ចការនីមួយៗ។
ម៉ោងនៅ ភ្នំពេញ
